Dhoma Kombëtare e Zejtarisë së bashku me Agjensinë Kombëtare të Punësimit dhe Aftësive në prezencë të Ministres së Financave dhe Ekonomisë znj. Anila Denaj nënshkruan një marrëveshje kuadër ku do të realizohen aktivitete të përbashkëta. Të dy institucionet prezantuan programin e përbashkët për bashkëpunim. Ky bashkëpunim mes institucioneve do të bëhet dhe për të mbështetur punëkërkuesit dhe punëdhënësit që janë të interesuar për fushën e zejtarisë dhe duan të marrin informacion për shërbimet e Dhomës Kombëtare të Zejtarisë. Pas nënshkrimit të marrëveshjes përfaqësuesit e institucioneve Ministrja e Financave dhe Ekonomisë znj. Anila Denaj, Presidenti I Dhomës Kombëtare të Zejtarisë z. Luan Bregasi, drejtoresha e AKPA-së znj. Elira Demiraj së bashku me stafin e tyre vizituan laboratoret e saldimit dhe digitalizimit të Dhomës Kombëtare të Zejtarisë.