Workshop-i “Digjitalizimi në Zejtari”, i mbajtur më 1–2 shtator 2025 në Dhomën Kombëtare të Zejeve, me mbështetjen e ekspertit të Dhomës së Zejeve Koblenz, mblodhi artizanë për të eksploruar se si teknologjitë digjitale po transformojnë zanatet tradicionale.

Gjatë dy ditëve, pjesëmarrësit mësuan mbi potencialin e prodhimit aditiv (3D printing), proceset e printimit dhe materialet, si dhe fituan njohuri praktike mbi aplikimet në sektorin e zejeve.

Eventi theksoi se si digjitalizimi mund të rrisë kreativitetin, efikasitetin dhe qëndrueshmërinë, duke mbështetur artizanët në modernizimin e praktikave të tyre.