Dhoma Kombëtare e Zejtarisë, në bashkëpunim me Dhomën e Zejeve të Koblenzit, organizoi eventin e provimit për një nga katër shtyllat e Titullit Mjeshtër: “Pedagogjia në Vendin e Punës”.

Ky event shënoi përmbylljen e suksesshme të disa muajve trajnimesh të zhvilluara nga ekspertët e Dhomës së Zejeve të Koblenzit, në bashkëpunim me ekspertë lokalë.

Provimi u zhvillua në kuadër të Projektit të Partneritetit ndërmjet Dhomave dhe Shoqatave për Shqipërinë dhe Kosovën, me synimin për të promovuar standardet më të larta gjermane në sektorin e zejeve, bizneset lokale dhe partnerët në të dy vendet.