Seminari i Shkëmbimit Trepalësh (TES2026) mblodhi përfaqësues nga vendet e procesit të zgjerimit të BE-së, përfshirë Shqipërinë, për të forcuar bashkëpunimin, shkëmbimin e përvojave dhe dialogun social në kontekstin e transformimeve digjitale.

Një nga sesionet kryesore iu kushtua temës “Dialogu social dhe tranzicioni digjital në një BE të zgjeruar”, ku diskutuan Liina Carr (DG EMPL), Monika Pozderac (Kroaci) dhe Koli Sinjari (Shqipëri). Diskutimet u fokusuan te roli i dialogut social në procesin e integrimit evropian dhe sfidat që sjellin digjitalizimi dhe inteligjenca artificiale.

Përfaqësimi shqiptar theksoi rëndësinë e Aktit Evropian për Inteligjencën Artificiale (EU AI Act) dhe ndikimin e tij për bizneset, institucionet publike dhe partnerët socialë. Në përfundim, u nënvizua se vendet kandidate përballen me sfidën e forcimit të dialogut social sipas standardeve të BE-së, duke garantuar njëkohësisht një tranzicion digjital dhe zhvillim të inteligjencës artificiale të orientuar drejt njeriut.

TES2026 u organizua në bashkëpunim mes Eurofound, Cedefop, EU-OSHA dhe ETF, me mbështetjen e European Economic and Social Committee (EESC), duke dëshmuar rëndësinë e bashkëpunimit ndërinstitucional evropian në mbështetje të dialogut social dhe transformimit digjital.