Dhoma Kombëtare e Zejtarisë, me rekomandimin e Kryetarit të Shoqatës së Restoranteve dhe Bujtinave, ka vlerësuar me titullin e lartë “Mjeshtër” pesë profesionistë të mirënjohur të gastronomisë shqiptare. Ky titull përfaqëson një mirënjohje të merituar për kontributin e tyre të jashtëzakonshëm, standardet e larta profesionale dhe promovimin e kulinarisë shqiptare brenda dhe jashtë vendit.

Të nderuar me titullin “Mjeshtër”:

• Fundim Gjepali – Shef ekzekutiv në Padam dhe Agroturizëm Gjepali, një nga emrat më të njohur në Shqipëri dhe Itali, përfaqësues i spikatur i kuzhinës moderne shqiptare.

• Albana Dulellari – Executive Masterchef në Bosco Restaurant dhe Perfect Food, ambasadore e Alta Group Albania. Një profesioniste që ka thyer barriera dhe ka sjellë një standard të ri në industrinë e gastronomisë.

• Kevin Shoshaj – Instruktor në Albanian Chefs Academy dhe një nga talentet e reja më premtuese, i dalluar për teknikën bashkëkohore dhe kreativitetin e tij kulinar.

• Arjan Cenkollari – Me mbi 20 vite eksperiencë, aktualisht në krye të “Rosa e Tymosur” në Pogradec, i njohur për aftësinë për të shndërruar traditën në eksperiencë autentike gastronomike.

• Sokol Cukani – Me 30 vite eksperiencë në Shqipëri dhe Itali, F&B Manager dhe trajner i certifikuar, i angazhuar në konsulencë për projekte gastronomike dhe hoteliere.